దొంగ నుంచి తెలివిగా తప్పించుకున్న బాటసారి.
అనగనగా ఒక బాటసారి సంతలో ఒక మేకని కొనుక్కుని తన గ్రామానికి నడుచుకుంటూ వెళ్తున్నాడు. ఇంతలో దారిలో ఒక శూన్యమైన ప్రదేశం ఎదురైంది. బాటసారి జాగ్రత్తగా వెళ్తుంటే హఠాత్తుగా ఒక దొంగ చేతిలో కర్ర పట్టుకుని అడ్డుపడ్డాడు. బాటసారిని కర్రతో బెదిరించి, తన దగ్గరున్న సొమ్ము, డబ్బు దోచుకున్నాడు. అది సరిపోక మేకను కూడా ఇవ్వమన్నాడు. బాటసారి దొంగ అడిగినవన్నీ ఇచ్చి, దొంగతో, "బదులుగా నీ కర్ర నాకు ఇస్తావా? అని అడిగాడు. దొంగ, "ఎందుకు?" అని ఆశ్చర్యంగా అడిగాడు. బాటసారి,
నీతి కథన
"నేను ఖాళి చేతులతో ఇంటికి వెళ్తే నా భార్య బాధ పడుతుంది. కనీసం ఈ కర్ర తీసుకుని వెళ్తే సంత నుంచి తెచ్చాననుకొని సంతోషిస్తుంది" అని అంటాడు. అన్ని తీసుకున్నాను కదా, కర్రదేముందిలే అనుకున్న దొంగ, బాటసారికి తన కర్రను ఇస్తాడు. దీంతో బాటసారి కర్రతో దొంగకి ఇటో నాలుగు, అటో నాలుగు దెబ్బలు తగిలించి, తన సొమ్ము, డబ్బును, మేకను అన్నీ తిరిగి తీసుకున్నాడు.
నీతి:-
ఆపద వచ్చినప్పుడు భయపడకుండా, ఎలా తప్పించుకోవాలో తెలివిగా ఆలోచించాలి.
